Agjencia e Lajmeve-VushtrriaPress

“Java e Kuvendit të Kosovës” të hënën në Vushtrri

: vushtrriapress@hotmail.com — Thu, 18 Mar 2010 13:50:50 +0000

Foto:Ndërtesa e Komunës së Vushtrrisë

VUSHTRRI,18 MARS 2010(VushtrriaPress)-Në kuadër të aktivitetit “Java e Kuvendit të Kosovës”, të organizuar nga Kryetari i Kuvendit, Jakup Krasniqi, në disa Komuna të Kosovës, më datën 22.03.2010 e hënë, do të mbahet takim me qytetarë të Komunës së Vushtrrisë.Ky takim do të mbahet në sallën e Kuvendit të Komunës në Vushtrri. nga ora 13:30 - 15:00.Temat për diskutime në këtë takim do të jenë:

-Zhvillimet aktuale politike
-Objektivat e Kuvendit të Kosovës dhe
-Çështjet aktuale në komunë.

Ministri Ahmet Shala në vizitë zyrtare në Mal të Zi

: vushtrriapress@hotmail.com — Thu, 18 Mar 2010 13:43:19 +0000

KOSOVË/MALI I ZI,18 MARS 2010(VushtrriaPress)–Një delegacion i Republikës së Kosovës, i kryesuar nga Ministri i Ekonomisë dhe Financave,Ahmet Shala po qëndron në vizitë zyrtare në Podgoricë.Gjatë kësaj vizitë Ministri Shala së bashku me bashkëpunëtorët e tij u takua me homologun e tij, Ministrin e Ekonomisë dhe Republikës së Malit të Zi, Branko Vujoviç,ku u diskutua për bashkëpunim ekonomik ndërmjet dy vendeve.Me këtë rast Ministri Shala,falënderoi homologun e tij për mbështetjen e Republikës së Malit të Zi, sidomos me rastin e anëtarësimit të Kosovës në Fondin Monetar Ndërkombëtar dhe Bankën Botërore dhe gjithashtu kërkoj mbështetje edhe për anëtarësimin e Kosovës në Bankën Evropiane për Rindërtim dhe Zhvillim, si dhe në Bankën për Zhvillim në Këshillin e Evropës.Ndërsa,Ministri Vujoviç,siguroi Ministrin Shala për mbështetje të vazhdueshme të Republikës së Malit të Zi edhe në të ardhmen.

Onkologët nga Shqipëria,qëndrojnë në Kosovë

: vushtrriapress@hotmail.com — Thu, 18 Mar 2010 13:37:53 +0000

PRISHTINË,18 MARS 2010(VushtrriaPress)-Në takimet me zyrtarët e MSH-së dhe QKUK-së, është diskutuar për funksionalizimin e Institutit të Onkologjisë në Kosovë.Një delegacion i onkologëve nga Qendra Spitalore Universitare e Tiranës ka zhvilluar një vizitë pune në Qendrën Klinike Universitare të Kosovës dhe është takuar me zyrtarë të lartë të Ministrisë së Shëndetësisë së Republikës së Kosovës.Delegacioni nga Tiranë në përbërje të së cilit ishin prof. Dr. Agim Sallaku , shef i Spitalit Onkologjik të QSU të Tiranës, dr. Astrit Aliahmetaj dhe znj. Lulzime Daci, në takimin me zëvendësministren e Shëndetësisë Mybera Mustafa dhe kreun e QKUK-së, Ali Sadriu, kanë biseduar për qëllimin e MSh-së për funksionalizimin e Institutit Onkologjik të Kosovës si dhe për mundësitë e asistencës teknike e profesionale nga Tirana në funksionalizimin e shpejtë të tij.Në këto takime është biseduar për nevojën e ndihmës së QSU të Tiranës për QKUK-në për trajnimin e personelit për dhënien e kimioterapisë dhe po ashtu edhe për aplikimin e radioterapisë.Delegacioni nga Tirana, pasi t’i analizojë çështjet të cilat janë inspektuar në Institutin Onkologjik dhe ato të diskutuara me zyrtarët kosovarë së bashku, do t’i përgatis rekomandimet lidhur me funksionalizimin e Institutit të Onkologjisë në Kosovë, në mënyrë që përfundimisht të startojë me punë ky institut, gjegjësisht të fillojë aplikimi i radioterapisë në Kosovë.Pritet që pas rekomandimeve që do të jepen, dhe pas nënshkrimit të marrëveshjes midis QKUK-Kosovë dhe QSUT- Shqipëri, të caktohet edhe koha kur instituti Onkologjik do të startojë me punë në Kosovë.

Shefi i EULEX-it, Yves de Kermabon vizitoi Qendrën e Kosovës për Siguri Publike në Vushtrri

: vushtrriapress@hotmail.com — Wed, 17 Mar 2010 10:26:43 +0000

VUSHTRRI,17 MARS 2010(VushtrriaPress)-Shefi i misionit të EULEX-it në Kosovë, Yves de Kermabo, vizitoi dje Qendrën e Kosovës për Siguri Publike, Edukim dhe Zhvillim në Vushtrri dhe u prit nga U.D.e Kryeshefit Ekzekutiv,Taibe Canolli.Gjatë takimit, kryeshefja Ekzekutive e Qendrës së Kosovës për Siguri Publike, znj. Taibe Canolli, dhe shef i EULEX-it, Yves de Kermabon folën për çështjet që janë në kompetencë të Qendrës së Kosovës për Siguri Publike. Kryeshefja Ekzekutive,Taibe Canolli e njoftoi Kermabo për të gjitha çështjet, aktivitetet, konceptin, vizionin e Qendrës,pastaj për fazën e tranzicionit, akreditimit, legjislacionit , si dhe për trajnimet dhe objektivat e Qendrës së Kosovës për Siguri Publike, Edukim dhe Zhvillim në Vushtrri.Po ashtu gjatë këtij takimi u fol edhe për bashkëpunimin midis Qendrës së Kosovës për Siguri Publike dhe Misionit të EULEX-it për fuqizimin e raporteve në fushën e sigurisë.Shefi i misionit të EULEX-it, Yves de Kermabon tha se bashkëpunimi mes EULEX-it dhe Qendrës së Kosovës për Siguri Publike do të vazhdojë në të ardhmen përmes ekspertëve të fushës së sigurisë.

Gjenerali i FSK-së, Sylejman Selimi po merr pjesë në Simpoziumin Ndërkombëtar

: vushtrriapress@hotmail.com — Tue, 16 Mar 2010 19:52:26 +0000

PRISHTINË,16 MARS 2010(VushtrriaPress)-Komandanti i Forcës të Sigurisë së Kosovës, gjenerallejtënant Sylejman Selimi, po merr pjesë në Simpoziumin Ndërkombëtar, me temën: “Terrorizmi Global dhe Bashkëpunimi Ndërkombëtar – III”., që po mbahet në kryeqytetin e Turqisë, në Ankara.Simpoziumi është organizuar nga Qendra për Përsosmëri të Mbrojtjes kundër Terrorizmit.Objektivat kryesore të Simpoziumit Ndërkombëtar janë:Të siguroj një forum për shkëmbimin e informacionit dhe ekspertizës midis kombeve paqedashës në fushën e mbrojtjes kundër terrorizmit. Të theksoj parimin, se: “problemet globale kërkojnë zgjidhje globale” me pjesëmarrjen efektive dhe kontributet e kombeve aleate.Të zgjidhë dallimet ekzistuese politike, juridike dhe filozofike midis vendeve në afrimin e mënyrave dhe të mjeteve për të luftuar kërcënimin që vjen nga terrorizmi gjithë botëror.Si dhe të punohet drejt një plani të plotë proporcional me rëndësinë e çështjeve ekonomike, sociale dhe kulturore në luftimin e terrorizmit.Në këtë Simpozium po marrin pjesë një numër i madh i personaliteteve të larta, duke përfshirë kryetarët e shteteve, kryeministra, shefa të shtabeve të ushtrive, ministra, ambasadorë, studiues, ekspertë dhe gazetarë nga e gjithë bota. Simpoziumi Ndërkombëtar;” Terrorizmi Global dhe Bashkëpunimi Ndërkombëtar – III” do të zgjatë dy ditë, më 15-16 mars 2010.

Gjilan:Qemajl Mustafa i PDK-së rizgjidhet sërish kryetar i komunës

: vushtrriapress@hotmail.com — Mon, 15 Mar 2010 08:29:52 +0000

GJILAN,15 MARS 2010(VushtrriaPress)-Koalicioni i OJQ-ve “Demokracia në Veprim”, ka paraqitur rezultatet preliminare nga rivotimi në Gjilan, ku nga 34.889 vota, 34.158 ishin të vlefshme, 323 me kusht dhe 408 të pavlefshme.Kandidati i Partisë Demokratike të Kosovës, Qemajl Mustafa ka fituar 58.0 %, ndërsa kandidati i Lidhjes Demokratike të Kosovës, Fatmir Rexhepi 41.9 %.

Turizmi i Kosovës po promovohet në Panairin Ndërkombëtar të Berlinit

: vushtrriapress@hotmail.com — Fri, 12 Mar 2010 15:02:30 +0000

GJERMANI,12 MARS 2010(VushtrriaPress)-Në panairin ndërkombëtar të turizmit “ITB 2010″, që po mbahet në Berlin të Gjermanisë po merr pjesë një delegacion i MTI-së, i kryesuar nga zëvendësministri Januz Kastrati, ku por promovohet turizmi kosovar. Kosova në këtë panair po merr pjesë për herë të dytë, dhe me angazhimin e MTI-së u është mundësuar pjesëmarrja edhe bizneseve kosovare turistike që t’i prezantojnë ofertat e tyre në këtë panair.Panairi mbahet prej 10-14 mars 2010.

Krijohet Grupi Ndërinstitucional i Ekspertëve për Studimin e Mundësive për Ristrukturimin e Sektorit Minerar

: vushtrriapress@hotmail.com — Fri, 12 Mar 2010 14:58:44 +0000

PRISHTINË,12 MARS 2010(VushtrriaPress)-Në kuadër të zbatimit të Programit të Qeverisë për sektorin e minierave, në përputhje edhe me Strategjinë Minerare 2010-2025 (tashmë të miratuar nga Qeveria) në MEM u organizua dje takimi ndërinstitucional për krijimin e Grupi Ndërinstitucional i Ekspertëve për Studimin e Mundësive për Ristrukturimin e Sektorit Minerar. Takimi u drejtua nga Ministrja e Energjisë dhe Minierave (MEM), Justina Shiroka-Pula, ndërsa morën pjesë edhe Arsim Janova, zv.ministër i Drejtësisë, Liridon Mavriqi nga Ministria e Ekonomisë dhe Financave, Dino Asanaj nga Agjencia Kosovare e Privatizimit dhe Ferat Shala - Drejtor Menaxhues i Trepçës. Parashikohet që ky grup të fokusohet në identifikimin edhe të opsioneve për ristrukturimin e Kompleksit Trepça dhe riaktivizimin e tij me investime private në formën e partneriteteve publike-private. Krijimin e këtij Grupi Ndërinstitucional Ekspertësh për vlerësimin e potencialeve ekonomike të elementeve potencialisht fitim-prurës të Kompleksit Trepça e kërkon edhe Strategjia Minerare 2010-2025.Ky Grup parashikohet të propozojë një Plan integral masash dhe aktivitetesh, përfshirë një orar kohor, për zbatimin e politikes se Qeverisë për sektorin minerar ne periudhën afatmesme.

Dy dridhje të fuqishme të tokës e goditën sot Vushtrrinë

: vushtrriapress@hotmail.com — Wed, 10 Mar 2010 13:57:18 +0000

VUSHTRRI,10 MARS 2010(VushtrriaPress)-Para disa minutash dy dridhje të fuqishme e kanë goditur qytetin e Vushtrrisë, për momentin nuk ka dëme, por që një pjesë e konsiderueshme e banorëve të Vushtrrisë për disa minuta janë larguar nga shtëpitë e tyre nga paniku.

Kryetari i Komunës së Vushtrrisë, Bajram Mulaku vizitoi Qendrën e Kosovës për Siguri Publike

: vushtrriapress@hotmail.com — Wed, 10 Mar 2010 12:30:17 +0000

VUSHTRRI,10 MARS 2010(VushtrriaPress)-Kryetari i Komunës së Vushtrrisë, Bajram Mulaku vizitoi dje Qendrën e Kosovës për Siguri Publike, Edukim dhe Zhvillim në Vushtrri dhe u prit nga u.d e Kryeshefit Ekzekutiv, Taibe Canolli.Kryeshefja Canolli e njoftoi për së afërmi kryetarin e Komunës së Vushtrrisë me punët dhe aktivitetet e Qendrës së Kosovës për Siguri Publike. Ajo theksoi se “bashkëpunimi midis Qendrës së Kosovës për Siguri Publike dhe Komunës së Vushtrrisë do të vazhdojë edhe më tej, ndërsa e falënderoi kryetarin Mulaku për mbështetjen e vazhdueshme dhënë Qendrës.Kryetari i Komunës së Vushtrrisë, Bajram Mulaku është ndarë i kënaqur me punën dhe sukseset që ka arritur Qendra e Kosovës për Siguri Publike, Edukim dhe Zhvillim dhe theksoi se bashkëpunimi mes Komunës së Vushtrrisë dhe Qendrës së Kosovës për Siguri Publike do të vazhdoj edhe më tutje.

“Java e Kuvendit” do të vizitojë Vushtrrinë

: vushtrriapress@hotmail.com — Tue, 09 Mar 2010 15:46:28 +0000

VUSHTRRI,9 MARS 2010(VushtrriaPress)-Kryesia e Kuvendit të Republikës së Kosovës në mbledhjen e sotme të drejtuar nga Jakup Krasniqi, kryetar i Kuvendit, ka vendosur që nga gjyma e marsit të këtij viti të organizojë “Javën e Kuvendit” të Republikës së Kosovës. Nga data 15 deri më 26 mars 2010planifikohet që kryetari i Kuvendit të Kosovës, i shoqëruar nga anëtarë të Kryesisë, sekretari i Kuvendit, si dhe deputetë nga zona, do të vizitojnë pesë komuna të Republikës së Kosovës në mesin e të cilave do të jetë edhe Vushtrria.

MFSK:Mosmarrëveshja me KFOR-in është tejkaluar

: vushtrriapress@hotmail.com — Mon, 08 Mar 2010 16:33:00 +0000

PRISHTINË,8 MARS 2010(VushtrriaPress)-Ministria e Forcës së Sigurisë së Kosovës, nëpërmjet një komunikate njoftoi se e çmon bashkëpunimin me KFOR-in dhe NATO-n si të domosdoshëm për paqen dhe stabilitetin në Kosovë dhe rajon.Mëtej në komunikatë thuhet:”Ministria e Forcës së Sigurisë së Kosovës ka bashkëpunim të shkëlqyeshëm me KFOR-in dhe NATO-n në ngritjen e kapaciteteve të Forcës së Sigurisë së Kosovës në përputhje të plotë me kriteret e NATO-s dhe me ndihmën dhe nën mbikëqyrjen e mekanizmave të theksuar më lartë.Çështjen e diskutuar në lidhje me pjesëmarrjen legjitime të Gardës së FSK-së në manifestimin e Epopesë së UÇK-së tanimë e vlerësojmë të tejkaluar.Ministria e Forcës së Sigurisë së Kosovës dhe Forca e Sigurisë së Kosovës do të vazhdojnë bashkëpunimin e ngushtë me KFOR-in dhe NATO-n dhe do të kryejnë detyrat e veta në përputhje me Kushtetutën, ligjet e Kosovës dhe Propozimin Gjithëpërfshirës për Statusin e Kosovës”, thuhet në komunikatën e lëshuar sot nga MFSK.

Kryeministri Hashim Thaçi:Ndarja e Kosovës ndryshon kufijtë në Ballkan

: vushtrriapress@hotmail.com — Sat, 06 Mar 2010 15:38:04 +0000

Foto: Kryeministri i Qeverisë së Republikës së Kosovës, Hashim Thaçi

PRISHTINË,6 MARS 2010(VushtrriaPress)-“Integriteti territorial i Kosovës është i paprekshëm, i njohur dhe i garantuar ndërkombëtarisht, dhe Kosova me këto kufij do të integrohet në NATO dhe në BE”, ka thënë kryeministri Hashim Thaçi. Kryeministri Hashim Thaçi ka vlerësuar se gjendja e sigurisë është mjaft stabile dhe se i ka kontribuar integrimit të pjesëtarëve të të gjitha bashkësive në jetën institucionale dhe shoqërore.Kryeministri Thaçi ka ripërsëritur se ndër sfidat më të rëndësishme të sigurisë në Kosovë është integrimi i pjesës veriore në institucionet e Prishtinës dhe zbatimi i ligjit në këtë pjesë të vendit.”Ne do të angazhohemi në mënyrë gjithëpërfshirëse në krijimin e komunës së re të Mitrovicës veriore, mbajtjen e zgjedhjeve në komunat Zveçan, Leposaviq dhe Zubin Potok. Çështjet sociale dhe ekonomike do të jenë prioritet i qeverisë”, ka thënë Thaçi. “Synimet e strategjisë janë krijimi i mirëbesimit, integrimi i serbëve në jetën politike dhe shoqërore në Kosovë, rritja e tolerancës së ndërsjellë, sundimi i ligjit, zhvillimi ekonomik dhe fitorja e parimeve demokratike në këtë pjesë të Kosovës”, është shprehur kryeministri i Republikës së Kosovës.

Në Balincë, caktohet lokacioni për ndërtimin e ujësjellësit të Vushtrrisë

: vushtrriapress@hotmail.com — Fri, 05 Mar 2010 16:24:56 +0000

VUSHTRRI,5 MARS 2010(VushtrriaPress)-Në fshatin Balincë është caktuar lokacioni për ndërtimin e ujësjellësit të veçantë për qytetarët e Vushtrrisë, për ndërtimin e të cilit qeveria e Kosovës ka ndarë 5 milion Euro, bënë të ditur kryetari i komunës Bajram Mulaku. Pas ndjekjes së procedurave ndërtimi i ujësjellësit pritet të filloj në verë. Ujësjellësi të ndërtohet nën nivelin e kanalit të sistemit Ibër Lëpenc e më pas shpërndarja e ujit nga aty do të bëhet me stacione të pompimit. Derisa uji i cili do të përdoret në këtë ujësjellës është ai i Liqenit Ujmanit në Veriun e Kosovës i cili deri në lokacionin në fjalë do të vie përmes kanalit të sistemit të ujitjes Ibër-Lepenc.

Më 5, 6 dhe 7 mars mbahet Manifestimi tradicional “Epopeja e UÇK-së”

: vushtrriapress@hotmail.com — Thu, 04 Mar 2010 21:23:02 +0000

KOSOVË,4 MARS 2010(VushtrriaPress)-Nën patronatin e kryeministrit të Republikës së Kosovës,Hashim Thaçi, organizohet manifestimi tradicional Epopeja e Ushtrisë Çlirimtare të Kosovës(UÇK) .Të premten, më 5 Mars, në orën 12:00, në Sheshin “Skënderbeu”, Garda e Nderit e FSK-së nderon manifestimin me prezencën e personaliteteve të larta shtetërore.Në orën 18:00 fillon turneu ndërkombëtar i futbollit të vogël “Adem Jashari” në Pallatin e Rinisë, ku marrin pjesë reprezentacione dhe ekipe nga rajoni dhe më gjerë. Të shtunën, më 6 mars, nga ora 10:00 do të bëhen homazhe tek Varrezat e Dëshmorëve në Prekaz, ndërsa në orën 18 në Pallatin e Rinisë, në Sallën e Kuqe, mbahet Akademia Përkujtimore.Të dielën, me 7 mars, në orën 18:00, mbahet manifestimi kulturor tradicional “Nata e Zjarreve”.

KKSH, shpalosi -Programin Kombëtar të Shkencës 2010-2015

: vushtrriapress@hotmail.com — Wed, 03 Mar 2010 17:11:09 +0000

PRISHTINË,3 MARS 2010(VushtrriaPress)-“Sektori kërkimor shkencor nuk do të duhej të jetë vetëm përfitues i buxhetit të Kosovës, por të jetë mbështetës i zhvillimit ekonomik e social dhe modernizimit të saj. Arsimi i Lartë, Shkenca dhe Ekonomia janë një trekëndësh i cili e tregon dhe plotëson realitetin tonë, pa të cilin nuk mund të ketë zhvillim të Republikës së Kosovës”, ka thënë ministri i Arsimit, Enver Hoxhaj ditën e shpalosjes së Programit Kombëtar të Shkencës në Kosovë.Në kuadër të aktivitetit “Java e shkencës 2010″, të organizuar nga Ministria e Arsimit, e Shkencës dhe e Teknologjisë, sot Këshilli Kombëtarë i Shkencës ka shpalosur “Programin Kombëtar të Shkencës 2010-2015″ për hartimin e të cilit janë angazhuar ekspertë vendorë dhe ndërkombëtarë.Punimet e seancës së sotme i përshëndeti kryeparlamentari i Kosovës, Jakup Krasniqi, ministri i arsimit Enver Hoxhaj, kryetari i KKSH, Rexhep Ismajli, kryetari i Akademisë së Shkencave të Kosovës, Besim Bokshi dhe Johann Guenther (Projekti KAIP-Austri), të cilët në përgjithësi përcollën mesazhe pozitive për programin e hartuar dhe nevojën e investimeve në fushën e kërkimeve dhe hulumtimeve shkencore me qëllim të përjshpejtimit të zhvillimit ekonomiko shoqëror të vendit.

Gjashtë komuna të Kosovës,shpërblehen me një grant prej 220,000 dollarësh

: vushtrriapress@hotmail.com — Wed, 03 Mar 2010 13:32:00 +0000

PRISHTINË,3 MARS 2010(VushtrriaPress)-Ambasadori i SHBA-ve në Kosovë, Kristofer Dell do të prezantojë sot në Prishtinë, evenimentin e dorëzimit të shpërblimeve për gjashtë komunat e Kosovës, për iniciativat e realizuara në përmirësimin e punës së tyre. Bëhet fjalë për grantin në një shumë prej 220,000 dollarësh. Shpërblimet janë pjesë e Iniciativës së USAID it për komuna efektive. Ato prezentohen për të përkrahur komunat për punën e tyre në dy kategori: “Aplikimi i teknikave inovative të menaxhmentit” dhe “Shkëlqyeshmërinë në nryerjen e shërbimeve”. Iniciativa e USAID-it për komuna efektive është një aktivitet 3 vjeçar për të përkrahur reformën e qeverisjes lokale në vendin tonë.

Këngëtari nga Vushtrria,Shaban Krasniqi editoi albumin e tij të tretë

: vushtrriapress@hotmail.com — Wed, 03 Mar 2010 08:57:43 +0000

VUSHTRRI,3 MARS 2010(VushtrriaPress)-Këto ditë këngëtari Shaban Krasniqi editoi albumin e tij të tretë me titull “Vijnë vashat”.Albumi përmban njëmbëdhjetë këngë popullore nga të cilat pesë janë përpunime të këngëve të dëgjuara (Hajde Gjyle,Bishtalecat palë e palë,Ma ke gishtin për unazë –duet me këngëtaren Lidie Pasoma, Me lule t’bukura dhe Moj e bukura More). Ndërsa gjashtë janë krijime të reja: Vijnë vashat - Txt: Lasgush Poradeci, Muz. Sh.Krasniqi, Me ju vjen e bukur pranvera - Txt: Milazim Sejdiu, Muz: Pranvera Badivuku, Kohë e shkuar - Txt. Naim Frashëri, Muz.& Ork. Arbër Krasniqi –(këngë të kënduara në Zambaku i Prizrenit 2007, 2008 dhe 2009), Qupëz moj Lile - Txt: Agolli, Qajupi, Noli, Muz: Sh. Krasniqi (finaliste e Festivalit “Lyrafest” Gjakovë),Dëshmor Lumni Surdulli – Txt & Muz: Sh. Krasniqi dhe Këngë për Esat Bicurrin -Txt: Sh Krasniqi,Muz: Pranvera Badivuku.Gjashtë nga këto këngë u orkestruan dhe incizuan nga Hysni Klinaku, dy nga Fatos Canolli dhe nga një nga Valton Beqiri, “Makiato bend” dhe Arbër Krasniqi.Ky është albumi i tretë i këngëtarit Shaban Krasniqi.

Kosova dhe Shqipëria,thellojnë bashkëpunimin në fushën e energjetikës

: vushtrriapress@hotmail.com — Tue, 02 Mar 2010 15:54:42 +0000

PRISHTINË,2 MARS 2010(VushtrriaPress)-Operatori i Sistemit, Transmisionit dhe Tregut të energjisë elektrike të Kosovës (KOSTT) dhe Korporata Energjetike e Shqipërisë (KESH), dje në Prishtinë, nënshkruan Marrëveshjen për Shërbime Ndihmëse.Marrëveshja për Shërbime Ndihmëse e cila u nënshkrua nga Kryeshefi Ekzekutiv i KOSTT,Fadil Ismajli dhe Drejtori Menaxhues i KESH,Muharrem Stojku, parasheh blerjen e shërbimeve ndihmëse në rregullimin frekuencë-fuqi, nga gjeneratorët e KESH respektivisht nga gjeneratorët e Hidrocentralit të Fierzës. Pas nënshkrimit të kësaj marrëveshje bilaterale, KOSTT në bashkëpunim me Operatorin e Sistemit të Transmisionit të Shqipërisë-OST, do ti ndërmarr të gjitha masat e vendosjes së infrastrukturës së nevojshme në mënyrë që këto shërbime të jenë në funksion të operimit të sistemit elektrik të Kosovës.Marrëveshja është plotësisht në harmoni me standardet Evropiane respektivisht të Asociacionit të Operatorëve Evropian të Sistemit të Transmisionit për Energji Elektrike ENTSO-E.

Kryeministri Thaçi: Qeveria e Republikës së Kosovës do të angazhohet për gjyqësi efektive, moderne dhe të paanshme

: vushtrriapress@hotmail.com — Mon, 01 Mar 2010 18:12:48 +0000

Pamje nga mbledhja e sotme e Qeverisë

PRISHTINË,1 MARS 2010(VushtrriaPress)-Në mbledhjen e 111-të, të rregullt të Qeverisë së Republikës së Kosovës, është aprovuar Projektligji për Gjykata në Kosovë dhe Projektligji për ndryshimin dhe plotësimin e Ligjit për Ujitjen e Tokave Bujqësore.Duke riafirmuar angazhimin e Qeverisë së Republikës së Kosovës për reformimin e sistemit të drejtësisë në Kosovë, kryeministri Hashim Thaçi ka thënë se gjykatat në Kosovë, me aprovimin e Ligjit për Gjykatat, do të jenë më efikase dhe do të përmbushin misionin e tyre për zbatimin dhe mbrojtjen e ligjit, duke funksionuar shpejtë dhe drejtë në zgjidhjen e lëndëve gjyqësore.Ligji i ri për gjykatat përcakton formën organizative të gjykatave në Kosovë dhe shtrirjen e tyre në të gjitha qendrat e Kosovës, me shtatë gjykata themelore dhe degët e tyre nëpër komunat e Kosovës.Qeveria ka aprovuar edhe Projektligjin për ndryshimet dhe plotësimin e Ligjit për ujitjen e tokave bujqësore, duke synuar që me këto ndryshime dhe plotësime, ligjin ta bëjë të implementueshëm dhe në pajtim me direktivat e BE-së në këtë fushë.